ABŞ-nin Detroyt (Miçiqan ştatı) və Çikaqo (İllinoys ştatı) şəhərləri havanın çirklənməsi üzrə dünya reytinqində ilk iki yeri tutub.
Azpost.info bildirir ki, bu barədə havanın keyfiyyətinə dair antireytinq məlumatlarını dərc edən “IQAir”-ın hesabatında deyilir.
Detroytda havanın çirklənməsi 207 bal, Çikaqoda isə 178 bal səviyyəsində qiymətləndirilir.
Mütəxəssislər düşünür ki, Kanadada meşə yanğınlarının səbəb olduğu duman ABŞ-də iri şəhərlərdə havanın keyfiyyətinə təsir edib.
Üçüncü yerdə Kanadanın Toronto şəhəri gəlir. Dördüncü və beşinci yerləri Çinin paytaxtı Pekin (111 bal) və Qətərin paytaxtı Doha (102 bal) tutur.
Azərbaycanın paytaxtı Bakı şəhərinə havanın çirkliliyinə görə, 60 bal verilib. Bu o qədər də pis hesab olunmur.
Siyahıda İstanbul 65 balla 29-cu, Astana 46 balla 46-cı yerdə, Daşkənd 30 balla 75-ci yerdə qərarlaşıb.
Azpost.info
