Analitiklər G20 ölkələrində və Avropa İttifaqında pərakəndə satış mağazalarında kərə yağının qiymətlərini öyrəniblər.
Azpost.info xəbər verir ki, dünyanın ən böyük iqtisadiyyatlarında 200 qramlıq kərə yağının qiymətinin orta hesabla 2,78 dollar olduğu məlum olub.
Qiymətin ən ucuz olduğu ölkələrin “ilk beşliyinə” Macarıstan (1,76 dollar), Portuqaliya (1,9 dollar), ABŞ (1,94 dollar) və Polşa (1,96 dollar) daxil olub.
Hindistanda bir paçka yağın qiyməti 1,37 dollardır. G20-nin ilk on ölkəsini Almaniya (1,99 dollar), Türkiyə (2,02 dollar), Rusiya (2,09 dollar), İspaniya (2,10 dollar) və Avstriya (2,20 dollar) tamamlayır.
Fransada bir paçka kərə yağı 2,31 dollar, Kanadada 2,52 dollar, Çində 2,54 dollardır. Reytinqi Bolqarıstan (3,98 dollar), Yaponiya (3,91 dollar), Avstraliya (3,82 dollar), İndoneziya (3,67 dollar) və Danimarka (4,27 dollar) tamamlayıb.
Azpost.info
