Tarix boyu izsiz yoxa çıxan insanlar və hadisələr insanlığın ən böyük sirrlərindən biri olaraq qalır.
Azpost.info bildirir ki, bəzi hadisələr onilliklər keçməsinə baxmayaraq hələ də tam izah olunmayıb.
1. Amelia Earhart – havada yoxa çıxan pilot
1937-ci ildə məşhur amerikalı pilot Amelia Earhart dünya ətrafında uçuş zamanı Sakit Okean üzərində izsiz yoxa çıxıb. Onun təyyarəsinin qalıqları və ya dəqiq taleyi bu günə qədər tam müəyyən edilməyib. Bu hadisə aviasiya tarixinin ən böyük sirlərindən biri hesab olunur.
2. Bermuda üçbucağı hadisələri
Atlantik okeanında yerləşən “Bermuda üçbucağı” bölgəsində onlarla gəmi və təyyarənin izsiz yoxa çıxması barədə iddialar var. Rəsmi izahlar mövcud olsa da, bir çox hadisə hələ də tam açıqlanmayıb.
3. Roanoke koloniyasının yoxa çıxması
1587-ci ildə ABŞ ərazisində qurulan Roanoke koloniyası sakinləri bir müddət sonra tamamilə yoxa çıxıb. Yeganə ipucu “CROATOAN” yazısı olub, lakin koloniyanın taleyi bu günə qədər bilinmir.
4. Malaysia Airlines MH370 reysi
2014-cü ildə Malayziya Hava Yollarına məxsus Malaysia Airlines Flight 370 Hind okeanı üzərində radar əlaqəsini itirərək yoxa çıxıb. Təyyarənin bəzi qalıqları tapılsa da, tam səbəb və dəqiq qəza yeri hələ də mübahisəlidir.
5. D.B. Cuper – havada itən şəxs
1971-ci ildə “D.B. Cooper” adı ilə tanınan şəxs ABŞ-da təyyarəni qaçırıb və paraşütlə atullanaraq yoxa çıxıb. Onun kimliyi və taleyi bu günə qədər açılmayıb.
Bu hadisələr göstərir ki, texnologiyanın inkişafına baxmayaraq, bəzi yoxa çıxmalar hələ də insanlığın cavab tapa bilmədiyi sirr olaraq qalır. Hər yeni araşdırma isə bu sirlərə daha çox sual əlavə edir.
Sunay Aydın
