Taliban hökuməti tərəfindən Əfqanıstanda həbs edilən 76 yaşlı Barbie Reynolds və 80 yaşlı Peter Reynolds-un övladları onların azadlığa buraxılması üçün təcili çağırış ediblər.
AzPost “Guardian”a istinadən xəbər verir ki, cütlük fevral ayında Bamyan vilayətinə gedərkən saxlanılıb və artıq beş aydan çoxdur ki, rəsmi ittiham olmadan həbsdədir.
Övladlarının sözlərinə görə, Peter Reynolds-un insult və ya infarkt keçirdiyi ehtimal olunur, Barbie isə anemiyadan əziyyət çəkir. Onlar valideynlərinin səhhətinin ağırlaşmasından narahat olduqlarını bildiriblər.
Qeyd edək ki, cütlük uzun illər Əfqanıstanda təhsil proqramları həyata keçirib və Talibanın 2021-ci ildə hakimiyyətə gəlməsindən sonra da ölkəni tərk etməyib.
