Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi ilə Gənclərin Mədəniyyətlərarası Əməkdaşlıq Liqası “Gənclərin Seçimi: Narkomaniyasız Dünya” adlı layihənin icrasını davam etdirir.
Layihə çərçivəsində 06.10.2024 tarixində Azərbaycan Texniki Universitetinin İdman Sarayında “El-1 döyüş növü üzrə Respublika turniri” keçirilib. Ümumilikdə 100 nəfər iştirakçının qatıldığı yarışda komanda hesabında Bozqurd komandası 1-ci, Kombat komandası 2 -ci, Neftçi komandası 3 -cü yerə çıxıb. Sonda qaliblərə diplom və medal, qalib komandalara kubok təqdim edilib.
Qeyd edək ki, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə icra olunan layihənin tərəfdaşları El-1 idman liqası, Neftçi İdman Klubu və Azərbaycan Dövlət Reklam Agentliyidir.
