Ermənistan hərbi mütəxəssislərini və tibbi heyəti Hələb bölgəsindən çıxarıb.
Azpost.info bildirir ki, bu barədə Ermənistan Müdafiə Nazirliyinin bəyanatında bildirilir.
Bəyanatda qeyd olunur ki, son günlər Suriya Ərəb Respublikasının bir sıra ərazilərində əməliyyat vəziyyəti kəskin şəkildə pisləşib və aktiv döyüş əməliyyatları başlayıb. Nəticədə Ermənistan Respublikasının minatəmizləmə mütəxəssislərindən ibarə missiyanın və tibb işçilərinin normal fəaliyyəti qeyri-mümkün olub. Bu missiya 2019-cu ildən Suriya Ərəb Respublikasının Hələb bölgəsində yerləşdirilib.
Mövcud vəziyyəti nəzərə alaraq qruplaşmanın Hələbdəki fəaliyyətini dayandırmaq qərara alınıb.
Noyabrın 29-da axşam saatlarında Ermənistanın minatəmizləmə mütəxəssisləri və tibb işçiləri qrupunun bütün şəxsi heyəti Ermənistan Respublikası Müdafiə Nazirliyinin hərbi-nəqliyyat təyyarəsi ilə Ermənistana qayıdıb.
