Ermənistan Sədərək istiqamətində yanğınlar törədib

25 Avqust 2021 - 19:09

Ermənistan silahlı qüvvələrinin bölmələri Naxçıvan Muxtar Respublikasının Sədərək rayonu istiqamətində təxribata əl ataraq yanğınlar törətməyə cəhd edib.

“Nuhçıxan” verdiyi xəbərə görə, son günlər düşmən Ermənistan tərəfi Ermənistan-Azərbaycan dövlət sərhədinin Arazdəyən-Sədərək istiqamətində həm şəxsi heyətə, silah və texnikaya qarşı düşmən təxribatlar törədir, həm də ərazilərimizə ekoloji ziyanın vurulması üçün mütəmadi olaraq müxtəlif üsullara əl atılır.

Düşmən müxtəlif üsullarla mövqelər arasındakı neytral əraziləri və əkin sahələrimizi yandırmağa cəhd edir.

Əsgərlərimiz ərazilərimizdəki yanğını söndürüblər.

Düşmənin təxribatlarının qarşısı bölmələrimiz tərəfindən qətiyyətlə alınır.