“Ermənistanda seçkinin nəticələri Moskva üçün gözlənilməz oldu” –

Rusiyalı ekspert
22 İyun 2021 - 23:24

“Ermənistanda seçkilərin nəticələri Rusiyada bir çoxları üçün gözlənilməz oldu”.

Azpost.info bildirir ki, bu sözləri Rusiya Dövlət Humanitar Universitetinin postsovet ölkələr üzrə tədqiqat İnstitutunun baş elmi işçisi Aleksandr Quşin “Kommersant”a şərhində bildirib.

Onun sözlərinə görə, seçki ilə bağlı şübhəli rəy sorğuları situasiyanın doğru analizinə imkan verməyib: “Seçkilər göstərdi ki, köhnə siyasi elita və onun liderləri hətta hərbi məğlubiyyətlə bağlı yaranmış narazılıq dalğasında belə cəmiyyəti birləşdirməyə qadir deyillər. “Sabiqlərə” olan çox mənfi münasibətin fonunda Paşinyanın elektortanı daha mobil çıxdı”. 

Ekspert vurğulayıb ki, Qarabağ və müharibədə revanş ideyası cəmiyyətin geniş təbəqələri tərəfindən dəstəklənmədi. İnsanlar başqa prioritetlərə üstünlük verdilər. “Bundan başqa insanların əksəriyyəti anladı ki, artıq yaranmış mövcud beynəlxalq konsensusun şərtləri çərçivəsində Ermənistanın köhnə hakimiyyəti lap seçkilərdə qələbə qazansa da çətin ki, situasiyanı öz xeyrinə dəyişdirmək imkanı qazana bilsin”. 

Ekspert qeyd edib ki, Ermənistanda seçkilərin yekunları faktik olaraq müharibə və sülh məsələsi ilə bağlı referendum oldu. Revanşa stavka edən müxalifət seçicilərin dəstəyini almadı.