Ermənistanın keçmiş müdafiə naziri Tonoyan həbs olunub

Ermənistan məhkəməsi keçmiş müdafiə naziri David Tonoyanın həbsinə dair qərar verib.

Məsələyə Kentron və Nork-Maraş rayonlarının ümumi yurisdiksiyasında baxılıb.

Məhkəmə keçmiş nazirin iki aylıq həbsinə qərar verib.

Tonoyanın vəkili Sergey Ovannisyan qeyd edib ki, D.Tonoyan özünü təqsirli bilmir. O, müvafiq izahatlarla məhkəmə zalında çıxış edib.

Ovannisyan qərardan apellyasiya şikayəti veriləcəyini bildirib.

S.Ovannisyan əlavə edib ki, məhkəmənin qərarı ilə hələ tam tanış deyil, ancaq həbsə dair vəsatət əsasında müstəntiq iki bənd təqdim edib. Bunlardan birincisi istintaqa mane olmaq ehtimalı, ikincisi isə Tonoyanın gizlənə bilməsi ehtimalıdır.

Bir cavab yazın

Sizin e-poçt ünvanınız dərc edilməyəcəkdir.

Əvvəlki məqalə

Azərbaycan hərbçisi Zəngilanda minaya düşüb

Sonrakı məqalə

Ev dustaqlığına buraxılan Yevlaxın sabiq icra başçısı yenidən həbs olundu