Ermənistan ordusunun baş qərargah rəhbəri əsgərlərini ruh düşkünlüyündən xilas etmək üçün bu yola əl atır

Ermənistan Silahlı Qüvvələrinin Baş Qərargah rəisi, general-leytenant Onik Qasparyan Azərbaycan-Ermənistan təmas xəttində yerləşən hərbi hissələrin birində olub.

APA-nın xəbərinə görə, bu barədə Ermənistan Müdafiə Nazirliyinin mətbuat xidmətindən bildirilib.

Qeyd olunub ki, O.Qasparyan cəbhə xəttində xidmət edən əsgərlərlə görüşüb, onlara simvolik hədiyyələr təqdim edib.

Bu fakt göstərir ki, Ermənistan ordusunun əsgərləri arasında mənəvi-psixoloji durum ürəkaçan deyil. İşğalçı ölkənin rəhbərliyi isə yüksək rütbəli hərbçiləri təmas xəttinə göndərməklə, əsgərlərə kiçik hədiyyələr təqdim etməklə ruh düşkünlüyünü aradan qaldırmağa çalışır.

Ermənistanda ordudan yayınma və qaçma, əsgərlik yaşı çatanların ölkəni tərk etməsi, həmçinin orduda intizamsızlıq, əsgər ölümləri ilə bağlı xəbərlərə erməni mediası və sosial şəbəkələrində tez-tez rast gəlinir. Hazırda Ermənistan hakimiyyətinin içərisindəki qarşıdurma və xalqda yaranmış ruh düşkünlüyünün orduya da sirayət etməsi danılmaz faktdır və bu barədə ermənilər özləri də sosial mediada tez-tez yazırlar. Görünür, Qasparyanın erməni əsgərlərin könlünü kiçik hədiyyələrlə almağa yönəlmiş səfəri də bu ruh düşkünlüyünü və qorxunu dəf etmək cəhdidir.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Ukraynada hərbi təyyarənin qəzaya uğraması nəticəsində ölənlərin sayı artıb –

Sonrakı məqalə

Bu gündən sentyabrın 28-dək Bakı, Sumqayıt və Abşeronda ictimai nəqliyyat işləməyəcək