“ABŞ Ermənistan və Azərbaycan arasında sülhün əldə olunması üçün aparılan beynəlxalq səyləri dəstəkləyir”.
Azpost.info bildirir ki, bu sözləri ABŞ Dövlət departamentinin mətbuat katibi Vedant Patel bəyan edib: “Biz çoxillik münaqişə nəticəsində insanların həlak olmasından sarsılmışıq. Bu münaqişədə çoxlu sayda ailələr öz əzizlərini itiriblər. Biz öz iştirakımızla tamam ayrı bir gələcəyə doğru hərəkət üçün cəhd edirik”.
“Biz sülhün əldə olunması üçün aparılan beynəlxalq səyləri dəstəkləməkdə davam edirik. Hesab edirik ki, proseslər Azərbaycanla Ermənistan arasında gedən sülh danışıqları tandemi ilə birgə gedə bilər”-deyə ABŞ sözüçüsü vurğulayıb.
