Ermənistanda atışmada yaralananların xəstəxanada boğazları kəsildi

Ermənistanın Qavar rayonundə baş vermiş atışma nəticəsində iki nəfərin qətlindən sonra şəhərdə vəziyyət gərginləşib.

Bu barədə “Report” “NEWS.am”a istinadən xəbər verir.

Məlumata görə, atışmada öldürülən hərbi polisin müstəntiqinin qohumları xəstəxanaya gələrək silahlı insident zamanı yaralanan şəxslərin hər ikisinin boğazlarını kəsməklə onları qətlə yetiriblər. Qeyd edilir ki, xəstəxanada öldürülən şəxslər Armen və Xaçik adlı qardaşlardır.

Məlumata görə, rayonda nəzarət altından çıxmış vəziyyəti idarə etmə üçün hadisə yerinə Qavar polisinin rəisi Arman Sarkisyan gəlib.

“NEWS.am” bildirib ki, xəstəxanada vəziyyət elə gərginləşib ki, hətta müstəntiqlər ora daxil ola bilmirlər. Atışma nəticəsində yaralananlardan biri əməliyyat edilir, digəri isə ağır vəziyyətdə Yerevana aparılır.

Agentlik atışmanın bəzi təfərratlarını əldə edib. Qeyd edilir ki, iki nəfərin öldürüldüyü atışmadan sonra insident zamanı yaralanan iki nəfər Yerevana çatdırılıb. Hadisə yerindən qaçmış digər iki nəfər yolda qəzaya düşüblər. Onlar Qavar xəstəxanasına çatdırılıblar, xəstəxanada isə hərbi müstəntiqin qohumları bura gələrək qəzada yaralananların boğazlarını kəsiblər.

“Armlur.am”ın məlumatına görə, dəmir alətlərlə silahlanmış bir qrup şəxs polis əməkdaşlarının oolduğu xəstəxanaya soxulublar. Onlar xəstəxananın əmlakını dağıtmağa başlayıblar, bundan sonra polis kordonunu yararaq palataya giriblər və yaralıların boğazını kəsiblər.

Cinayətkarlar bundan sonra xəstəxananı tərk ediblər.

Qeyd edək ki, hadisə Qeqarkuniksk vilayətində baş verib. İlkin məlumatda bildirilirdi ki, Qavar rayonunda qeydə alınan silahlı insident nəticəsində 2 nəfər öldürülüb, daha 4 nəfər yaralanıb.

Hadisə zamanı öldürülənlərdən biri hərbi polisin müstəntiqidir.


28.04.2020***23:44

Ermənistanda silahlı insident olub.

Bu barədə “Report” “Shamshyan.com”a istinadən xəbər verir.

Məlumata görə, hadisə Qeqarkuniksk vilayətində baş verib. Qavar rayonunda qeydə alınan silahlı insident nəticəsində 2 nəfər öldürülüb, daha nəfər yaralanıb.

Məlumata görə, hadisə zamanı öldürülənlərdən biri hərbi polisin müstəntiqidir.

Atışmanın baş verdiyi əraziyə hüquq-mühafizə orqanlarının əməkdaşları cəlb edilib.

Bir cavab yazın

Sizin e-poçt ünvanınız dərc edilməyəcəkdir. Gərəkli sahələr * ilə işarələnmişdir

Əvvəlki məqalə

Moskvada koronavirusdan ölənlərin sayı 500-ü keçib

Sonrakı məqalə

“Addımlarınız olduqca qətiyyətlidir və Siz çevik hərəkət edirsiniz” –