Dünən silahlı toqquşmanın baş verdiyi Laçın yoluna alternativ olan Xəlfəli-Turşsu yolu ilə Ermənistandan Qarabağa silah-sursat daşındığını göstərən video kadrlar yayımlaınb.
Azpost.info bildirir ki, caliber hərbi onlyan jurnalı hərbi dairələrdən bu kadrları əldə edib.
8-ci və 39-cu saniyələrdə Ermənistandan Xankəndiyə istiqamət alan hərbi maşınları görmək olur. 46-cı saniyədə isə Xankəndindən Ermənistana gedən avtomobillər görünür.
Xankəndi-Xəlfəli-Turşsu torpaq yolundan istifadə edilməklə Ermənistan Respublikasından hərbi ləvazimatların, silah-sursatın və şəxsi heyətin Rusiya sülhməramlı kontingentinin müvəqqəti yerləşdiyi Azərbaycan ərazilərinə daşınmasının həyata keçirilməsi barədə operativ məlumatlar daxil olub.
Müdafiə Nazirliyinin mətbuat xidmətindən bildiriblər ki, martın 5-də səhər saatlarında daxil olmuş məlumatın yoxlanması məqsədilə qanunsuz hərbi daşınmalar həyata keçirən nəqliyyat vasitələrinin Azərbaycan Ordusunun bölmələri tərəfindən saxlanılaraq yoxlanılmasına cəhd göstərilib.
Qarşı tərəfdən atəş açılıb və baş vermiş atışma nəticəsində 2 hərbi qulluqçumuz şəhid olub.
Bu gün baş vermiş insident bir daha Azərbaycan tərəfindən Laçın-Xankəndi yolunun üzərində müvafiq nəzarət-keçid məntəqəsinin yaradılmasının zəruri olduğunu göstərir.
Ermənistanın yenə də Azərbaycanın Qarabağ iqtisadi rayonuna hərbi daşınmaları hayata keçirməsi faktı bu ölkənin Azərbaycana qarşı davam edən təcavüzü və terror siyasətidir.
Törədilmiş təxribata görə bütün məsuliyyət Ermənistan hərbi-siyasi rəhbərliyinin üzərinə düşür.
