“Ermənistanın “Tramp marşrutu”na heç bir təsiri olmayacaq“.
AzPost bildirir ki bu sözləri Ermənistanın sabiq prezidenti Koçaryan bu gün keçirdiyi mətbuat konfransında İrəvanın Zəngəzur dəhlizinə nəzarət edəcəyi ilə bağlı iddialara cavabında deyib.
Onun sözlərinə görə, Paşinyan sadəcə yalan danışır: “Siz hələ də Nikol Paşinyanın hər dediyinə inanırsınız? Bu olmayacaq. Bu yolu fərqləndirən, ayıran Vaşinqtonda imzalanmış sənəddir. Bu, bizə nə deyir? Bu, o deməkdir ki, bu yola nəzarət digər yollara nəzarətdən fərqli olacaq. Əks halda, onu ayrıca qeyd etmək sadəcə absurd olardı”.
Koçaryan deyib ki, bu yol Ermənistanın uzunmüddətli müqaviləsi əsasında onu idarə edəcək şirkətə veriləcək: “Ermənistan bu şirkətə heç bir təsir göstərə bilməyəcək. Siz həqiqətən də inanırsınızmı ki, ABŞ-ın dəstək verdiyi şirkətə Ermənistan nəyi isə diktə edə biləcək?”, – deyə Köçəryan vurğulayıb.
Keçmiş prezident deyib ki, “Tramp marşrutu”ndan başqa, qalan yolların qonşu ölkələr üçün maraqlı deyil. “Onlar yalnız Ermənistanın öz istifadəsi üçün qalacaq. Əgər xətt Yeraşxa çatmasa, İranın Culfasından keçən dəmir yolu İrana daxil olmasa, biz bu layihədən benefisiar olmayacağıq. Bu, göz qabağındadır”, – Köçəryan yekunlaşdırıb.
