Baş nazir Nikol Paşinyan Ermənistanla Türkiyə arasında sərhədin üçüncü ölkə vətəndaşları üçün yaxın vaxtlarda açılacağına ümid etdiyini deyib.
Azpost.info xəbər verir ki, o, bu barədə bugünkü mətbuat konfransı zamanı bildirib.
“İrəvanla və Ankara arasında təkcə danışıqlar aparılmalı deyil, həm də prosesin dinamikasını təmin etmək üçün konkret addımlar atılmalıdır. Münasibətlərdə dinamika vacibdir. Ümid edirəm ki, Ermənistan və Türkiyə arasında sərhəd yaxın gələcəkdə üçüncü ölkə vətəndaşları və diplomatik pasport sahibləri üçün açılacaq. Bu, beynəlxalq daşımalar üçün də vacibdir. Regionda beynəlxalq logistika zəncirlərində dəyişiklik baş verir. Beynəlxalq yük daşımaları üçün bölgə əhəmiyyət qazanır. Ermənistan-Türkiyə sərhədinin və dəmir yolunun açılması qlobal əhəmiyyət kəsb edir. Ümid edirəm ki, biz bu yolla irəliləmək imkanı əldə edəcəyik”, – Paşinyan qeyd edib.
Azpost.info
