Azərbaycan hazırda baş verən dəyişiklikləri izləyir. Ölkə olaraq görürük ki, qütbləşmə baş verir.
Bunu XII Qlobal Forum çərçivəsində keçirilən “Geosiyasi Dəyişmələr: Məsuliyyətli Tərəfdaşlıq Rəqabətə qarşı” mövzusunda paneldə Azərbaycan Respublikası Prezidentinin köməkçisi – Prezident Administrasiyasının Xarici siyasət məsələləri şöbəsinin müdiri Hikmət Hacıyev deyib.
Prezidentin köməkçisi bildirib ki, Azərbaycan hər zaman çoxtərəfli diplomatiyanın tərəfdarı olub: “Biz eyni zamanda, Şərq-Qərb toqquşmasının dərinləşməsini görürük. Böyük güclərin çəkişməsi hər zaman maraqlara uyğun olmur. Cənubi Qafqazda geosiyasi toqquşmanın qarşısının alınmasının təşəbbüskarı Azərbaycan olub. Azərbaycan hərbi-siyasi yolla işğala son qoydu. Azərbaycan regionda yeni status-kvo yaradıb. Bu, ölkələrin suverenliyinə əsaslanıb. Bu region bizə məxsusdur, digər tərəflər gəlib burda dərs keçir. Azərbaycan hesab edir ki, Ermənistan öz təhlükəsizliyini Cənubi Qafqaz regionunun daxilində axtarmalıdır, kənarda yox”.
