“Ermənistana verilən dağıdıcı silahlar bizə qarşı yönəlib. Bəlkə də bu gün başqa yerdə onlara ehtiyac var. Amma bu silahlar Ermənistana göndərilir”.
AzPost bildirir ki, bunu Prezident İlham Əliyev XII Qlobal Bakı Forumunun açılış mərasimində çıxışı zamanı deyib.
Dövlət başçısı qeyd edib ki, Avropa Monitorinq Missiyası mahiyyət etibarı ilə Avropa İttifaqının kəşfiyyat missiyasıdır: “Onlar gecə-gündüz sərhədlərimizdə casus kimi dayanıb bu tərəf keçmək üçün rahat boşluqlar axtarırlar. Bizim də belə bir seçmə müşahidə missiyası ilə bağlı kifayət qədər kəşfiyyat məlumatlarımız var”.
Dövlət başçısı on illərdir erməni diasporuna dəstək verən korrupsioner siyasətçilərdən danışıb.
“Biz bu məsələləri Brüsseldə oturan Ermənistan nümayəndələri və onların yeni rəhbərləri qarşısında qaldırırıq. İndi ermənilərin “böyük qardaşını” əvəz ediblər. İndi bu “böyük qardaş” Brüsselə çevrilib. Prezident Trampın atdığı addım nəticəsində ABŞ Dövlət Departamentinə tabe olan USAID təşkilatı ləğv edilib. Korrupsiyaya uğramış siyasətçi Robert Menendez isə ciddi bəladadır.
Amma o, birinci deyil, sonuncu da deyil. Necə deyərlər, bir qaranquşla bahar olmaz. Çünki onun kimilər erməni diasporasından pul alıb öz ciblərinə qoyurlar. Məsələn, cənab Adam Şiff, cənab Frank Pallone, xanım Nensi Pelosi və bir çox başqaları belə edir. Onlar onilliklərdir ki, ABŞ-dakı erməni diaspor təşkilatlarından Azərbaycana hücum etmək və nüfuzdan salmaq üçün pul alırlar”.
