Dünən Fransanın baş naziri Sebastien Lekornu prezident Emmanuel Makron tərəfindən təsdiq edilmiş yeni hökumətin tərkibini təqdim edib.
AzPost bildirir ki, Lekornunun rəhbərlik etdiyi kabinet 18 nazirdən ibarətdir, onlardan 13-ü öz vəzifələrini qoruyub saxlayıb.
Bu gün Fransa mediası Lekornunun istefa ərizəsini Emmanuel Makrona təqdim etdiyini yayıb. Prezident istefanı qəbul edib.
Bunun yeni hökumətin təyinatı ilə bağlı sırf prosessual istefa olduğu, yoxsa istefanın müxalifətin yeni hökumətin tərkibindən narazılığı ilə nəticələndiyi hələlik bəlli deyil.
Bu arada Yeni Xalq Cəbhəsi koalisiyasının qurucusu Jan-Lyuk Mélenşon Sebastien Lekornunun istefasından sonra prezident Makronun istefasını tələb edib. “Biz istefa ilə bağlı 104 parlament üzvünün vəsatətinə dərhal baxmağa çağırırıq”-deyə o bildirib.
