Dünya şöhrətli kinorejissor Frensis Ford Koppolanın həyat yoldaşı Elenora 87 yaşında vəfat edib.
Azpost.info bildirir ki, bu barədə NBC News xəbər verir.
Ailəsinin verdiyi açıqlamada deyilir ki, Elenora Koppola cümə günü Kaliforniyanın Ruterford şəhərindəki evində vəfat edib.
Eleanora 1963-cü ildə “Dementiya 13” qorxu filmində rejissor köməkçisi kimi çalışarkən Frensislə tanış olub. Cütlük 1963-cü ilin fevralında Las-Veqasda evlənib.
Onların ilk oğlu Can-Karlo olub. Daha sonra Roman (1965-ci il təvəllüdlü) və Sofiya (1971-ci il təvəllüdlü) doğulub.
Can -Karlo Koppola 1986-cı ildə bədbəxt hadisə nəticəsində həlak olub. O, Hollivud kinoaktyoru Rayan O’Nilin oğlu Qriffin O’Nilin sürdüyü qayıq qəzasında 22 yaşında ölüb.
Digər iki övladı kinorejissor olub.
