Rusiyanın Federal Təhlükəsizlik Xidməti Estoniyanın Sankt Peterburqdakı konsulunu saxlayıb.
FTX iyulun 6-da konsulun bir nəfərdən məxfi sənədləri qəbul edərkən saxlandığını bildirib.
FTX iddia edib ki, konsul Mart Lattenin fəaliyyəti diplomatik işçinin statusuna uyğun deyil və Rusiyaya qarşı açıq düşmənçilik səciyyəsi daşıyır. Lakin bununla belə diplomatın hansı sənədləri və kimdən aldığı barədə məlumat verilməyib.
Estoniya onun Rusiyanın Sankt Peterburq şəhərindəki konsulunun saxlanmasını “qurama” və “təxribat” adlandırıb. Estoniya Xarici İşlər Nazirinin bəyanatında deyilir ki, konsulun saxlanması Rusiyanın Avropa İttifaqı ilə qarşıdurma istədiyini nümayiş etdirir.