Belarusda 20 yaşlı gəlin toyuna az qalmış tatuaj etdirdikdən sonra dünyasını dəyişib.
AzPost –un məlumatına görə, bu barədə Ölkənin İctimai Televiziyası məlumat verib.
Minsk vilayətindən olan qadın əvvəllər konturları çəkilmiş döyməni tamamlamaq qərarına gəlib. O, döyməni aparmaq üçün öz nişanlısını seçib. Qəzetin yazdığına görə, işin iki mərhələdə görülməsi nəzərdə tutulsa da, toya iki həftədən az vaxt qaldığından bir axşama yekunlaşdırılıb. Sessiya peşəkar salonda deyil, evdə baş tutub.
Qəzet qeyd edir ki, əməliyyatdan sonra gəlinin qızdırması qalxıb, lakin o, həkimə müraciət etməyib, yalnız qızdırma salan dərmanlar qəbul edib. İki gün sonra qəflətən huşunu itirib və xəstəxanaya yerləşdirilib. Həkimlər ona qan zəhərlənməsi diaqnozu qoyublar, müalicə olunmayıb.
Ehtimal olunur ki, döymə faciəyə səbəb ola bilər. Lakin məhkəmə-tibbi ekspertizanın nəticələri hələ hazır olmadığından gəlinin yaxınları buna şübhə ilə yanaşır. Qəzet yazır ki, Belarus İstintaq Komitəsi şərh verməkdən imtina edib.
