Bakıda “Gilan Holding”ə məxsus “Qafqaz Baku City Hotel & Recidence” hoteli satışa çıxarılıb.
Azpost.info bildirir ki, bu barədə alqı-satqı resursunda elan yerləşdirilib.
Obyektə 72 milyon 750 min manat qiymət qoyulub.
“Qafqaz” oteli Bakının mərkəzində yerləşən dəbdəbəli dördulduzlu otel kompleksidir. Kompleksə 17 mərtəbədə yerləşən 317 otaq, 9 yüksək komfortlu mənzil, habelə əlillər üçün nəzərdə tutulan 2 otaq daxildir.
Bakının əsas görməli yerlərinə ən yaxın məsafədə yerləşən bu müasir kompleks Azərbaycana işgüzar məqsədlərlə və ya istirahət etmək üçün gələn qonaqların zövqünə uyğun ideal məkandır.
“Gilan Holding”in Bakıda 4 mehmanxanası (Qafqaz Baku City Hotel & Recidence, Qafqaz Park Hotel,Qafqaz Point Hotel, Pullman Badamdar Hotel) var.
