Leysan yağış Göyçayda bir sıra fəsadlara yol açıb.
Qasırğa rayon mərkəzində yaşayış binasının və bir neçə fərdi evin, yardımçı tikilinin dam örtüyünü qoparıb.
Ağaclar aşıb, elektrik naqilləri qırılıb.
Rayonda əhaliyə elektrik enerjisinin verilişində fasilələr yaranıb.
Sel Göyçay şəhərinin mərkəzi küçələrinə avtomobillərin və piyadaların hərəkətini çətinləşdirib.
Bir neçə evin zirzəmisini və həyətyanı sahəsini su basıb.
Xatırladaq ki, güclü külək nəticəsində iki nəfər xəsarət alıb, bir nəfər isə maşında ürəktutmasından dünyasını dəyişib. (APA)
**
Göyçayda hazırda şiddətli hava şəraiti qeydə alınır.
Hazırda rayonda güclü küləklə yağış müşahidə olunur. Qasırğa və yağış rayonda insanların hərəkətində ciddi problem yaradıb. Güclü külək və leysan xarakterli yağışlar nəticəsində rayonda bəzi evlərin dam örtüyü, ağaclar aşıb, maşınlar aşan ağacların altında qalıb. İlkin məlumata görə rayonun infrastrukturuna ciddi ziyan dəyib.
İlkin məlumatlara görə bəzi ticarət obyektləri və iş yerlərində yağışın şiddətli olması səbəbindən obyektləri su basıb.
Göyçayda güclü külək və qasırğa ölümə səbəb olub.
İlkin məlumatlara əsasən, rayonun Mırtı, Qarabaqqal kəndlərində külək nəticəsində yaralananlar olub, iki nəfər isə bədbəxt hadisə nəticəsində həyatını itirib. Həyatını itirən şəxslərdən biri maşında olan zaman üzərinə ağac aşıb, digəri isə uçmuş evin altında qalıb. (APA)
