Quş ətinin gündəlik qida rasionunda nə qədər yer tutması insanın qarşısına qoyduğu məqsəddən asılıdır.
Dietoloq Anton Polyakovun sözlərinə görə, toyuq və hinduşka əti faydalı heyvan mənşəli zülal mənbələrindən hesab olunur.
Mütəxəssis bildirib ki, insanın qidalanma məqsədindən asılı olaraq gün ərzində quş ətindən istifadə etmək mümkündür.
Onun sözlərinə görə, zülal baxımından optimal variant kimi qadınlar üçün gündə 250-300 qram, kişilər üçün isə 300-400 qram bişmiş toyuq və ya hinduşka əti nəzərdə tutula bilər.
Dietoloq vurğulayıb ki, bu rəqəmlər yalnız quş əti üçün deyil, ümumilikdə gündəlik heyvan mənşəli zülal qəbulu ilə bağlı tövsiyə kimi qiymətləndirilməlidir.
Burada diqqət çəkən məqamlardan biri də bişmiş və çiy ətin çəkisi arasındakı fərqdir.
Məsələn, 200 qram bişmiş toyuq əti təxminən 600-700 qram çiy toyuğa uyğun gəlir. Bişirmə zamanı ətin tərkibindəki suyun bir hissəsinin itməsi çəkidə belə fərq yaranmasına səbəb olur.
Bu səbəbdən qida rasionunu hesablayarkən ətin çiy, yoxsa hazır vəziyyətdə ölçüldüyünə diqqət etmək vacibdir.
Dietoloqun fikrincə, toyuq və hinduşka əti balanslı qidalanmada zülal mənbəyi kimi istifadə oluna bilər. Bununla yanaşı, sağlam rasion yalnız bir məhsuldan ibarət olmamalı, müxtəlif qida qruplarını əhatə etməlidir.
