“Gürcülərin bunu “Rusiya layihəsi” adlandırmasını absurddur”- PESKOV

“Bütün ölkələr xarici dövlətlərin agentlərinə qarşı mübarizə aparır, bu, normal qlobal təcrübədir”.

Azpost.info xəbər verir ki, bunu Kremlin sözçüsü Dmitri Peskov Gürcüstanda xarici agentlər haqqında qanun ətrafında qalmaqalı şərh edərkən deyib.

Onun sözlərinə görə, Rusiyanın maraqlarına qonşu dövlətdə sabitlik və vəziyyətin proqnozlaşdırıla bilməsi daxildir.

“Heç bir suveren dövlət öz daxili siyasətinə başqa ölkələrin müdaxiləsini istəmir. Bu, normal təcrübədir”, – Peskov qeyd edib.

Eyni zamanda, o, gürcü müxalifətçilərinin bu təşəbbüsü “Rusiya layihəsi” adlandırmasını absurd adlandırıb. Peskov xatırladıb ki, dünyada ilk belə qanunu ABŞ tətbiq edib.

Azpost.info

Əvvəlki məqalə

Prezident İlham Əliyevin adından Konqo Prezidentinin şərəfinə rəsmi nahar verilib

Sonrakı məqalə

Ermənistan torpaqlarımızda 1.5 milyon mina basdırıb