“Kiyevi səfiri Tbilisiyə qaytarmağa, Rusiyaya qarşı sanksiyaların tətbiqini tələb etməməyə çağırırıq”.
Azpost.info xəbər verir ki, bunu Gürcüstanın müdafiə naziri Cuanşer Burçuladze deyib.
Nazir Ukrayna prezidenti Vladimir Zelenskinin Rusiyaya qarşı iqtisadi sanksiyaların tətbiqindən imtina edən Gürcüstan rəhbərliyini başa düşməməsi ilə bağlı son bəyanatına belə reaksiya verib: “Gürcüstanın sanksiyalara qoşulmadığı ifadəsi düzgün deyil. Biz BMT-nin, Avropa Şurasının sanksiyaları kimi, bütün kritik qərarlara qoşulmuşuq. Təcavüzkara təsir etməyəcək, ancaq Gürcüstan əhalisini çətin duruma salacaq sanksiyalara qoşulmaq isə axmaqlıqdır”.
Burçuladze bildirib ki, Gürcüstan Ukrayna hökumətinə və cəmiyyətinə dəstəyini göstərmək üçün əlindən gələni edir: “Ukraynaya humanitar yardımın həcminə görə Gürcüstan birinci yerdədir. Gürcüstan cəmiyyətinin ukraynalılara münasibəti də az əhəmiyyət kəsb etmir. Məncə, Ukrayna vətəndaşları ilə bizdəki kimi rəftar olunduğu başqa ölkə yoxdur. Səfirin geri çağırılması, əlbəttə ki, səhv idi. İnciklikləri nə qədər tez unudasaq, ölkələrimiz bir o qədər sürətlə inkişaf edəcək”.
Azpost.info
