Baş nazir Avropa İttifaqı ilə danışıqların dayandırıldığını elan etdikdən sonra Gürcüstan prezidenti Salome Zurabişvili diplomatik korpusun nümayəndələri ilə təcili görüş təyin edib.
Azpost.info “Novosti-Georgia” saytına istinadən bildirir ki, görüşün sonunda, yaxın saatlarda Zurabişvili fövqəladə bəyanatla çıxış edəcək.
Gürcüstanın baş naziri İrakli Kobaxidze bu gün bildirib ki, Gürcüstan özü 2028-ci ilin sonuna qədər Avropa İttifaqına daxil olmaq üzrə danışıqlardan imtina edir.
Hazırda sosial şəbəkələrin gürcü seqmentində baş nazir Kobaxidzenin Gürcüstan hökumətinin Aİ-yə üzvlüklə bağlı danışıqları dayandırması barədə bəyanatından sonra bir-birinin ardınca etirazlar elan olunur.
