Gürcüstanda son sutkada koronavirusa 4146 nəfər yoluxub, 38 nəfər ölüb

11 Dekabr 2020 - 11:13

Gürcüstanda son sutka ərzində yeni növ koronavirusa (COVID-19) 4146 yoluxma halı qeydə alınıb, 38 nəfər ölüb.

APA-nın yerli bürosunun xəbərinə görə, bu barədə Gürcüstan hökumətinin koronavirusla mübarizə çərçivəsində yaratdığı xüsusi internet saytında məlumat verilib. Bununla da qonşu ölkədə koronavirusa yoluxanların sayı 183 099, ölənlərin sayı isə 1 694 nəfərə çatıb.

Virusa yoluxanlardan 150 461 nəfərin sağaldığı bildirilir.