“İnformasiya həm də mübarizə silahıdır. İnformasiya hücumları kifayət qədər effektiv mübarizə növlərindən biridir”.
Azpost.info xəbər verir ki, bunu Rusiya prezidenti Vladimir Putin xüsusi hərbi əməliyyatda iştirak edən hərbçilərin anaları ilə görüşündə deyib.
Görüş Rusiyada noyabrın son bazar günü qeyd olunan Analar Günü ərəfəsində baş tutub. Putin qeyd edib ki, Analar Günü ərəfəsində onların əhval-ruhiyyəsi bayram yox, döyüş bölgəsində olan oğullarına qayğı hissi ilə doludur.
Putin deyib ki, o və ölkə rəhbərliyi oğullarını itirmiş anaların ağrısını bölüşür və övladını itirmək hissini heç nə əvəz edə bilməz.
Rusiya prezidenti oğullarını döyüşlərdə itirənlərin dərdinə şərik olduğunu da vurğulayıb: “Hakimiyyət ölən əsgərlərin analarının özlərini unudulmuş hiss etməmələri üçün hər şeyi edəcək. Bizdən asılı olan hər şeyi edəcəyik ki, siz yanınızda bir çiyin hiss edəsiniz. Mən çalışacağam ki, bu gün danışdığımız hər şey nəzərə alınsın və real həyatda əksini tapsın”.
Azpost.info
