Hacıqabul polis şöbəsində saxlanılan şəxs intihar edib

16 Avqust 2020 - 18:36

Hacıqabul Rayon Polis Şöbəsində ölüm faktı qeydə alınıb.

1968-ci təvəllüdlü Məlikov İkram Həbib oğlunun şöbənin müvəqqəti saxlanma təcridxanasında öldüyü qeyd edilir.

Ehtimallara görə adı çəkilən şəxs özünü asaraq intihar edib. Onun meyiti müayinə olunmaq üçün Şirvan şəhər Patoloji Anatomiya və Məhkəmə Tibbi Ekspertiza mərkəzinə göndərilib.

Faktla bağlı Hacıqabul prokurorluğu tərəfindən araşdırma aparılır. (APA)