“Hakim partiya Gürcüstanın Aİ-yə gedən yolunu sabotaj edir”- Zurabişvili

Hakim “Gürcü Arzusu – Demokratik Gürcüstan” partiyasının xarici agentlərlə bağlı qanun layihəsinin qəbuluna təşəbbüs göstərmək cəhdləri ölkənin Avropa İttifaqına gedən yolunda təxribatdır.

Azpost.info xəbər verir ki, bunu prezident Salome Zurabişvili deyib.

“Biz Avropadan bir növ avans aldıq və bu gün bizim bu yolumuzu və gələcəyimizi sabotaj etməklə məşğuldurlar. Ağlıma gələn yeganə söz təxribatdır”, – o deyib.

Onun sözlərinə görə, qanunun qəbulu Avropa Komissiyasının həm köhnə, həm də indiki tövsiyələrinə əsasən, Avropaya “yox” deyəcək.

“Bu o demək olacaq ki, Tbilisi Avropa İttifaqına daxil olmaq üzrə danışıqlara başlaya bilməyəcək”, – Zurabişvili vurğulayıb.

Dövlət başçısı qarşıdan gələn parlament seçkilərində ölkənin avropayönlü gələcəyinə səs verməyə çağırıb.

Azpost.info

Əvvəlki məqalə

Blinkenin təyyarəsi Fransada qırılıb

Sonrakı məqalə

Fransa və Rusiya müdafiə nazirləri telefon danışığı aparıb