Hollivudda 9 il əvvəl çəkilən filmdə koronavirus vahiməsi –

Bu gün baş verənləri 9 il əvvəl necə biliblər?
11 Mart 2020 - 21:38

Bütün dünyanı təsiri altına alan koronavirus “Epidemiya” filmini yenidən gündəmə gətirib.

Kulis.az xarici mediaya istinadən xəbər verir ki, Steven Sodeberqin 2011-ci ildə ekranlaşdırdığı və Qvinet Peltroy, Mett Deymon, Cud Lou, Keyt Uinslet kimi aktyroların yer aldığı filmdə yaşananalar koronavirus epidemiyası arasındakı bənzərlik diqqət çəkib. Filmdə bir çox insanın ölümünə səbəb olan epidemiya Çindən yayılır və insanlara yarasalardan keçir.

Bundan başqa epidemiyanın ilkin əlamətləri hazırda dünyaya yayılan virusun əlamətləri ilə eynilik təşkil edir. Filmdə xəstəliyə tutulan insanlarda ilk olaraq qripə bənzər simtomlar göstərir və qısa müddətdə bütün dünyada minlərlə insanı təsiri altına alır.

Filmin ssenaristi Skott Bruns bənzərliklərlə bağlı bunları deyib: “Bəziləri bu vəziyyəti əsrarəngiz hesab etsə də mən o qədər təəccüblü deyiləm”.