Yəmənin husi üsyançıları Qırmızı dənizin altından keçən və qlobal internet və telekommunikasiyanı dəstəkləyən üç kabeli kəsiblər.
Azpost.info xəbər verir ki, bu barədə “Associated Press” yazıb.
“Bunun tam olaraq necə baş verdiyi bəlli deyil. O məlumdur ki, husilər İsraili Qəzza zolağında HƏMAS-la müharibəni dayandırmağa məcbur etmək üçün Ədən körfəzindəki ticarət gəmilərinə və konteyner gəmilərinə raket zərbələri endirməyə davam edir”, – məlumatda deyilir.
Honq-Konqda yerləşən HGS Global Communication Limited şirkətinin bildirdiyinə görə, kəsilən kabellər Avropa, Asiya və Afrikanı birləşdirir və Qırmızı dənizdən keçən trafikin 25 faizini təşkil edirdi.
Azpost.info
