Həmid Herisçi Azərbaycan Yazıçılar Birliyinə üzv qəbul edilib.
Azpost.info bildirir ki, bu haqda Azərbaycan Yazıçılar Birliyinin katibi, Qəbul Komissiyasının sədi Səlim Babullaoğlu məlumat verib.
AYB-nin sədri Anar üzvlük vəsiqəsini H.Herisçiyə təqdim edib.
“Birliyin sədri, Xalq yazıçısı Anarla görüşdük. Çox maraqlı yaddaqalan söhbət elədik, onların arasında çox maraqlı fikir mübadiləsi oldu. Yeri gəlmişkən məhz Yazıçılar Birliyinin xətti ilə dəflərlə xaricdə yeni ədəbiyyatımız müxtəlif dillərə tərcümə edilərək çap olunub. Həmid əksər vaxtlarda bizim hazırladığımız siyahılarda təqdim və təmsil olunub, Anar müəllim həmişə buna təbii və geniş ürəklə yanaşıb. AYB nəşrlərinin qapıları həmişə onun üzünə açıq olub”.
