Rusiyanın Nijni Novqorod şəhərində müəllim açıq-saçıq fotoları dərc etdikdən sonra işdən çıxarılıb. AzPost Rusiya mətbuatına istinadla xəbər verir ki, şəhərin təhsil idarəsinin məlumatına görə, internetdə açıq-saçıq fotolar yerləşdirən Nijni Novqoroddan olan müəllim daxili araşdırmadan sonra nalayiq davranışa görə işdən çıxarılıb.
Yerli mətbuatda dərc olunan fotolarda olan qadının Nijni Novqorod məktəblərindən birinin ibtidai sinif müəllimi olduğu xəbəri yayılıb.
Müəllimin məktəbdənkənar həyatı ilə bağlı məlumat, qeyd olunduğu kimi, təhsil müəssisəsinə KİV-dən daxil olub. Dərhal “daxili araşdırma” aparılıb və nəticədə müəllim tutduğu vəzifədən azad edilib.
Təhsil İdarəsi müəllimin davranışının “uyğun olmadığını” vurğulayıb.
