“Ukrayna prezidenti Vladimir Zelenski, ABŞ lideri Co Bayden və NATO Baş katibi Yens Stoltenberq Ukrayna ordusunun artıq ikinci gününə qədəm qoyan əks-hücum əməliyyatını rəsmən elan etmirlər”.
Azpost.info xəbər verir ki, bunu Rusiya Dumasının spikeri Vyaçeslav Volodin Telegram kanalında yazıb.
Onun fikrincə, susqunluq Ukrayna qoşunlarının hücum əməliyyatı zamanı böyük itki verməsi ilə bağlıdır.
“Kiyev rejiminin əks-hücumununun ikinci günüdür. Zelenski, Stoltenberq və Baydenin bu haqda susması təsadüfi deyil. Uğur yoxdur, məqsədlərə nail olunmur, itkilər böyükdür. Təkcə son 24 saat ərzində silahlı qüvvələrimiz 2000-ə yaxın ukraynalı düyüşçünü və xarici muzdlunu məhv edib, 32 tankı yandırıb”, – Volodin qeyd edib.
Onun fikrincə, bütün NATO Rusiyaya qarşı döyüşür: “Vaşinqton və Brüssel Rusiyanı məhv etmək üçün hərbi əməliyyatlar başlayandan bəri hər cür şəkildə Ukrayna Silahlı Qüvvələrinə sponsorluq edir, lakin Qərbin planı iflasa uğrayıb”.
Azpost.info
