Yazıçı Anarın “Beşmərtəbəli evin altıncı mərtəbəsi” əsəri əsasında çəkilmiş “Təhminə” filminə yəqin çoxları baxıb. 1993-cü ildə çəkilib.
Rejissor Rasim Ocaqovun quruluş verdiyi film böyük populyarlıq qazanıb.
AzPost “FOTOXRONİKA” layihəsi çərçivəsində bildirir ki, bu əsər əsasında daha bir film də var. 1996-cı ildə çəkilmiş “Beşmərtəbli evin altıncı mərtəbəsi” filmi.
Film üzərində çox məşhur imzalar işləsə də nədənsə film uğur qazanmayıb.
Ssenari müəllifləri Aqil.M.Quliyev və Ülviyyə Könül olub.
Əsas rolları Elxan Cəfərov (Zaur) və Sənubər İsgəndərli (Təhminə) oynayıb.
Filmin quruluşçu rejissoru Ülviyyə Könül olub. Mahnıları Vaqif Səmədoğlu və Cavanşir Quliyev yazıblar.
Filmdə çoxlu tanınmış aktyorlar çəkilib.
- Fuad Poladov — Məcid
- Gülşad Baxşıyeva — Zivər
- Fərhad İsrafilov — Dadaş
- Ramiz Novruzov — Muxtar
- Gülzar Qurbanova — Mədinə
- Nahidə Əliyeva — Firəngiz
- Ruslan Nəsirov — Cəmil
- Firdovsi Atakişiyev — Spartak
- Aleksandr Şarovski — Sergey
- Nuriyyə Əhmədova — manikürçü
Əməkdar artist Sənubər İsgəndərli mediaya açıqlamasında 1996-cı ildə yenidən lentə alınan “Beş mərtəbəli evin, altınca mərtəbəsi” filminə çəkilməsindən peşman olduğunu bildirib. Aktrisa efirdə müsahibəsi zamanı “indiki ağlım olsaydı çəkilməzdim. Film istədiyim kimi alınmadı. Ona görə çox peşman oldum” deyib.
Filmi “Murad Sinema Kompani”də istehsal olunub.
