Əli İnsanov
“Prezident İlham Əliyevin Qarabağa “Qayıdış Proqramının icra miqyası və sürəti bizi heyran etdi”.
AzPost bildirir ki, bu sözləri Haqq-Ədalət Partiyasının sədri, sabiq səhiyyə naziri Əli İnsanov 24 siyasi partiya rəhbərlərinin Əsgəran, Xocalı və Xankəndinə səfərni şərh edərkən bildirib.
Ə.İnsanov bildirib ki, Prezident İlham Əliyevin Milli Birliyə çağırışının bariz nümunəsi olan bu səfər həm də siyasi birliyin və həmrəyliyin bütün dəyərlərdən üstün olması anlamına gəlir.
“Səfər zamanı biz hamımız öz əbədi azadlığına qovuşmuş Vətən torpaqlarını ziyarət etməklə bərabər, həm də Prezident İlham Əliyevin rəhbərliyi və nəzarəti ilə Qarabağa Böyük Qayıdış Proqramının necə sürətlə həyata keçirilməsini öz gözlərimizlə görə bildik. Əsgəran, Xocalı və Xankəndi bu gün böyük tikinti meydanlarını xatırladır. Doğma Qarabağın yenidən qurulması və inkişafı bizi heyran etdi. Düşünürəm ki, gördüklərimiz xalqımızda da böyük ruh yüksəkliyi yaradır, cəmiyyətdə həmrəyliyi gücləndirir, iqdarla müxalifətin birliyi isə xalqımıza və dövlətçiliyimizə birgə xidmət etməyə əsaslı zəmin yaradır” -deyə Ə.İnsanov vurğulayıb.
Xatırladaq ki, Prezident Administrasiyasının Siyasi Partiyalar və Qanunvericilik Hakimiyyəti ilə əlaqələr şöbəsinin müdiri Ədalət Vəliyevin təşkilatçılığı və iştirakı ilə 2025 – ci il martın 6 – da Azərbaycanda fəaliyyət göstərən 24 siyasi partiya rəhbərləri və nümayəndələri birlikdə Əsgəran, Xocalı və Xankəndinə səfər edib.
