“Azərbaycan Ermənistana sülh müqaviləsinin 5 əsas prinsipini təqdim edib. İndi biz ilkin şərtlər olmadan və süni ləngimə yaradılmadan sülh sazişinin layihəsi üzərində işə başlamalıyıq”.
Azpost.info bildirir ki, bu sözləri Prezident İlham Əliyev Şanxay Əməkdaşlıq Təşkilatının zirvə görüşündə çıxışı zamanı deyib.
Dövlət başçısı Ermənistanın son hərbi təxribatını pisləyib və buna qəti cavab verildiyini bəyan edib: “Amma təəssüf ki, sentyabrın 13-də Ermənistan Azərbaycanla dövlət sərhədində genişmiqyaslı hərbi təxribat törətdi. Azərbaycan ordusu bunun qarşısını qətiyyətlə aldı. Bu təxribat iki ölkə arasında münasibətlərin normallaşmasına böyük zərbə vurdu. Bütün məsuliyyət Ermənistanın hərbi-siyasi rəhbərliyinin üzərinə düşür”-deyə prezident İlham Əliyev vurğulayıb.
