Dünyanın ən məşhur texnologiya milyarderlərindən ikisi- İlon Mask və Mark Zukerberq əlbəyaxa döyüşməyə razılaşıblar.
Azpost.info bildirir ki, bu barədə BBC məlumat yayıb. Hər iki milyarder qarışıq döyüş növü üzrə üz-üzə gələcəklər.
Musk Tvitter hesabında Zukerberqlə “qəfəsdə döyüşməyə hazır olduğunu” yazıb.
Meta-nın rəhbəri Zukerberq Maskın tvitinin skrinşotunu “harada görüşəcəyimizi mənə bildirin” şərhi ilə yerləşdirib.
Meta-nın sözçüsü BBC-yə deyib ki, “bunun izaha ehtiyacı yoxdur”.
Musk Zukerberqin sualına belə cavab verib: “Veqasda səkkizbucaqlı Oktaqonda” .
Səkkizbucaq, Oktaqon “Ultimate Fighting Championship” təşkilatı (“Mütləq Döyüş Çempionatı”) tərəfindən təşkil edilən döyüşlərin keçirildiyi xüsusi hasarlanmış arenanın adıdır.
O, Nevada ştatının Las-Veqas şəhərində yerləşir.
Bu ayın sonunda 52 yaşı tamam olan Elon Mask da Twitter-də yazıb: “Mənim morj adlandırdığım və ehtiyatda saxladığım böyük bir hərəkətim var: Mən sadəcə rəqibimin üstündə uzanıb heç nə etmirəm”.
O, həmçinin yazıb: “Uşaqlarımı arabir götürüb havaya çıxarmaqdan başqa heç vaxt məşq etmirəm.”
39 yaşlı Zukerberq uzun müddət qarışıq döyüş ustasıdır. O, ciu-citsu turnirlərinin qalibi olub.
