Florida ştatının qubernatoru Ron Desantis Respublikaçılar Partiyasından prezidentliyə namizədliyini rəsmən elan edib.
Azpost.info bildirir ki, bu barədə “Associated Press” agentliyi xəbər yayıb.
Desantisin bu qərarı onun ABŞ Federal Seçki Komissiyasına ərizə verməsindən sonra məlum olub. Desantisin çərşənbə günü iş adamı Elon Mask ilə onlayn söhbətindən sonra və prezidentliyə namizədliyini irəli sürmək qərarını elan edib.
“Mən Amerikanın böyük qayıdışına rəhbərlik etmək üçün prezidentlik postuna namizədliyimi irəli sürüəm”-deyə Desantis Tvitterin sahibi Maskla səsli çatda söhbəti zamanı bəyan edib.
Desantisin əsas rəqibi Tramp rəqibinin bəyanatını “fəlakət” adlandırıb: “Vay səni! Desantisin tvitterdə kampaniyaya start verməsi -Fəlakətdir! Onun bütün seçki kampaniyası fəlakətlə nəticələnəcək. Baxarsınız!”-deyə Tramp öz telegram-kanalında yazıb.
44 yaşlı Desantis 2019-cu ildən Florida ştatının qubernatorudur. Bundan əvvəl o, 2013-2018-ci illərdə bu ştatdan ABŞ Nümayəndələr Palatasının üzvü olub. O, digər respublikaçı namizədlər arasında ABŞ-ın keçmiş prezidenti Donald Trampın ən ciddi rəqibi hesab olunur.
Artıq bir neçə nəfər Respublikaçılar Partiyasından prezidentliyə namizədlik uğrunda mübarizə aparmaq niyyətində olduqlarını bəyan ediblər. Bu sıraya sabiq prezident Tramp, Cənubi Karolina ştatından respublikaçı senator Tim Skott, ABŞ-ın BMT-dəki keçmiş səfiri Nikki Heyli, Arkanzas ştatının keçmiş qubernatoru Asa Hatçinson və iş adamları Vivek Ramasvami, Perri Conson daxildir.
Demokratlar Partiyasından isə ABŞ-ın hazırkı prezidenti 80 yaşlı Co Bayden, ABŞ-ın 35-ci prezidenti Con Kennedinin qardaşı oğlu, kiçik Robert Kennedi və yazıçı Marianne Uilyamson prezidentliyə namizədlik üçün praymerizdə iştirakla bağlı öz namizədliklərini irəli sürüblər.
Azpost.info
