Tanınmış ingilis səyyahı Karl Buşbi Xəzər dənizi ilə üzərək Aktaudan Bakıya gəlib.
Azpost.info Anadolu Agentliyinə istinadən xəbər verir ki, bu barədə səyyah öz paylaşımında bildirib.
O qeyd edib ki, sentyabrın 17-si saat 18.30 -da Bakıya çatıb. O, 31 gün ərzində 275 km. məsafə qət edib.
Bu vaxt ərzində 132 saat 21 dəqiqə suda üzüb.
Dəniz səyahəti Azərbaycan Respublikasının Gənclər və İdman Nazirliyi və Bakı Şəhər Halqası Əməliyyat Şirkətinin dəstəyi və təşkilatçılığı ilə baş tutub.
Britaniyalı Karl Buşbi dünyanın dörd tərəfini kəşf etməkdə olan tanınmış səyyahdır. Karl bu missiyaya hələ 1998-ci ilin noyabrında 38.000 km-lik məsafəni qət etməklə başlayıb.
