İnsanların erkən uşaqlıq günləri niyə yadda qalmır? - Alimlərin izahı
ABŞ-dan olan alimlər insanların həyatının erkən dövrlərində baş verən hadisələrlə bağlı yaddaşındakı boşluğu izah edən əsas məqamları açıqlayıblar.
Alimlərin fikrinə görə, xatirələrin saxlanması üçün zəruri olan mürəkkəb sinir strukturlarının formalaşması beyin qabığının və hipokampusun yetkinliyi ilə bağlıdır.
Erkən yaşda uşaqlar səsləri və hərəkətləri əlaqələndirməyə imkan verən semantik yaddaşa malik olsalar da, yalnız iki yaşdan sonra beyində hadisələrin müxtəlif aspektlərini birləşdirən və tam mənzərəni yaradan mürəkkəb sinir əlaqələri yaranmağa başlayır.
Eşitmə və vizual məlumatların emalı beynin müxtəlif nahiyələrində baş verir. Bu səbəbdən tam təsəvvür yaratmaq üçün epizodik yaddaşa cavabdeh olan hipokampus lazımdır.
Psixoloqlar əlavə edib ki, dörd yaşından kiçik uşaqlar epizodik yaddaşdan istifadə etməkdə çətinlik çəkə bilərlər. Bu da onları gündəlik həyatı üçün vacib olan semantik bilikləri öyrənməkdən yayındıra bilər.
Əlaqəli xəbərlər
-
Gündüz fəhlə, gecə quldur... - Bakıda kassaları qarət edən dəstə necə ifşa olundu?
-
Heydər Əliyevlə bir kadrda - 45 il əvvəlki şəkildə olan şəxslər kimdir? / FOTOXRONİKA
-
BMT-nin Baş katibinin gizlətdiyi nasist keçmişi - Kurt Valdhaymın böyük sirri
-
Tesla 100 il əvvəl smartfonları belə təsvir etmişdi – Onun daha hansı proqnozları gerçəkləşib?
Növbəti xəbər yüklənir...