İqlim fəalı Qreta Tunberq və “Dirəniş donanması”nın digər fəalları İsraildən deportasiya olunacaqlar.
AzPost “The Times of Israel”ə istinadən xəbər verir ki, isveçli fəal Qreta Tunberq və “Dirəniş Donanması”nın təxminən 70 Fələstin tərəfdarı İsraildən deportasiya ediləcək.
Fəalların əksəriyyəti Yunanıstana aparılacaq və oradan da öz ölkələrinə uça biləcəklər.
Bazar ertəsi İsraili tərk edənlər arasında 28 Fransa, 27 Yunanıstan, 15 İtaliya və 9 İsveç vətəndaşı var. Artıq bazar günü 21 İspaniya vətəndaşının İsraili tərk etdiyi bildirilir.
İsrail daha əvvəl Qəzza zolağına humanitar aksiya ilə gedən Tunberqin donanmasının qarşısını almışdı. Fəalın özü saxlanılıb. İyun ayında İsrail artıq Qəzza zolağına gedən Tunberqi daşıyan yaxtanı saxlamışdı.
