İranın BMT-dəki daimi nümayəndəsi Əmir Səid İrəvani Vaşinqtondan ABŞ qoşunlarını dərhal Suriyadan çıxarmağı tələb edib.
Azpost.info xəbər verir ki, o bunu BMT Təhlükəsizlik Şurasının Suriyadakı humanitar və siyasi vəziyyətlə bağlı iclasında bildirib.
“Suriyada sülh və sabitlik üçün ABŞ qoşunlarının Suriyadan tam, dərhal və qeyd-şərtsiz çıxarılması lazımdır”, – İrəvani deyib.
O qeyd edib ki, beynəlxalq ictimaiyyət Suriya xalqını qeyri-qanuni sanksiyaların səbəb olduğu terrorizm, xarici işğal və iqtisadi terrorla mübarizədə tək qoymamalıdır.
Azpost.info
