İranda Müdafiə Nazirliyinin sabiq əməkdaşı Rza Əsgəri edam olunub.
APA-nın Tehran bürosunun məlumatına görə, bunu İranın Məhkəmə Sisteminin sözçüsü Qulamhüseyn İsmaili keçirdiyi mətbuat konfransında deyib.
Onun sözlərinə görə, R. Əsgəri ABŞ kəşfiyyatına casusluq etməkdə ittiham olunub və onun barəsində edam hökmü çıxarılıb.
İranın Məhkəmə Sisteminin sözçüsü deyib ki, hökm ötən həftə icra olunub.
Q.İsmaili qeyd edib ki, Rza Əsgəri 2012-ci ildə təqaüdə göndərilib və İranın raket sistemləri ilə bağlı məlumatı ABŞ kəşfiyyatına ötürüb.
