Tehran İranın nüvə proqramı üzrə Birgə Hərtərəfli Fəaliyyət Planının tərəfi olaraq qalır və onun bərpasına nail olmaq niyyətindədir.
Azpost.info xəbər verir ki, bunu İran xarici işlər naziri səlahiyyətlərini icra edən Əli Baqiri Kani deyib.
“2015-ci ildə bağlanmış müqaviləmiz var. Birləşmiş Ştatlar ondan çıxdı, biz isə hələ də qalırıq. Buna görə də məqsədimiz 2015-ci il sənədini canlandırmaqdır. Biz yeni sazişə can atmırıq”, – XİN başçısı deyib.
Nüvə silahının inkişafı ilə bağlı jurnalistin sualına cavab olaraq Kani bildirib ki, İranın Ali dini lideri Ayətullah Əli Xameneinin nüvə silahının yaradılmasını qadağan edən fətvası heç bir dəyişikliyə məruz qala bilməz: “Bu, İranın ali dini orqanı və eyni zamanda ən yüksək dövlət məmuru olan İran liderinin fətvasıdır. Ona görə də onun verdiyi əmr və fətvalar bütün hakimiyyət orqanları üçün məcburidir və heç kim onu poza bilməz”.
Azpost.info
