İran səfiri Türkiyə XİN-ə çağırılıb

28 Fevral 2021 - 16:39

İranın Türkiyədəki səfiri Məhəmməd Ferazmend Türkiyə Xarici İşlər Nazirliyinə (XİN) çağırılıb.

“Anadolu” agentliyinin verdiyi məlumata görə, buna dünən İranın İraqdakı səfiri İrac Mescidinin Türkiyənin İraqın suverenliyini pozmaqda ittiham etməsi, Türkiyəni İraqdakı qoşunlarını çıxarmağa çağırması olub.

Türkiyə XİN-də səfir M. Ferazmendə bildirilib ki, Ankara Tehrandan terrorizmlə mübarizəyə qarşı çıxmaq deyil, terrorizmlə mübarizədə dəstək gözləyir.

Qeyd edək ki, Türkiyə dövrü olaraq İraqın şimalındakı PKK terror təşkilatının bazalarının məhv ediməsi ilə bağlı əməliyyatlar aparır.