İranda inqilabdan bəri eyni kadrların hakimiyyətdə qalması və inqilabi məntiqlə idarə olunması sistemli uyğunsuzluqlara yol açır.
Bu fikirləri Türkiyə xarici işlər naziri Hakan Fidan müsahibəsində bildirib.
Nazir bildirib ki, problemi İran rejimi kimi təqdim etmək düzgün olmaya bilər, əsas məsələ rejimin verdiyi qərarlar və həyata keçirdiyi siyasətlərdir.
Onun sözlərinə görə, dünyada İrandan daha mərkəzləşmiş və daha totalitar rejimlər də mövcuddur, lakin qlobal böhran yaradan siyasətlər aparmadıqları müddətdə sual altına alınmırlar.
