Azərbaycan Həmkarlar İttifaqları Konfederasiyasının (AHİK) Aparatının əməkdaşlarının müəyyən edilmiş iş saatlarından daha artıq işlədildikləri məlum olub.
Pravda.az-ın əldə etdiyi məlumata görə, 2024-cü ildən sədr seçilən Sahib Məmmədov kabinetini əksər hallarda saat 18:00-da və ya 19:00-da deyil, 21:00-da, hətta 23:00-da tərk edir.
S.Məmmədov Aparatı tərk etdikdən sonra təşkilatın əməkdaşları rəhbər heyət də daxil evə buraxılırlar. Bu da işçilər arasında narazılığa səbəb olub. Bildirilib ki, qanunvericiliyə uyğun olaraq iş saatları 18:00-da bitir.
Qeyd edək ki, bu kimi hallarla bağlı İnzibati Xətalar Məcəlləsinin 198.1.5-ci (Normal əmək və istirahət rejiminə riayət edilməməsinə) maddəsinə əsasən, beş yüz manatdan min manatadək məbləğdə cərimə nəzərdə tutulur.
Məsələ ilə bağlı Azərbaycan Həmkarlar İttifaqları Konfederasiyasına sorğu ünvanlanıb.
